broken lines (collection 55)

Sapagkat ako'y naghahanap, gusto makalasap..
Hindi kayaman, ni kapangyarihan, bagkus ang masarap!
Masarap na pagkain, tulugan, o kahit katahimikan..
Eto ang mga bagay, na aking kahilingan.

Mga bagay na 'to eh magbibigay sa kin ng inspirasyon.
Inspirasyon na bumangon, gumalaw nasa ayon.
Natanto ko sa mga nakaraan na panahon, maraming sawi laban sa wagi!
At ngayon naman, kailangan ko baguhin ang aking sarili..

Subalit, ang pagbabago sadyang di madali.
Maraming pagsubok ang nagbabadya anumang sandali!
Kung dati ako'y pumipili sa mandaling paraan.
Ngayon naman, kailangan pillin ang mahirap, masakit na daan.

broken lines (collection 38)

Walang katabi sa jeep papuntang trabaho,
tumitingin sa labas para lahat ay maglaho..
Ako'y nag-iisa.

Ako lang ang kumakain, malayo sa iba.
Sa dako roon tumitingin nawa'y masaya sila..
Ako'y nag-iisa.

Habang naglalakad sa mataong lugar, 
iba'y masaya, iba naman nagmamadali o balisa, habang ako'y tulala.
Ako'y nag-iisa.

Sa aking mesa ako'y nagtratrabaho ng mabuti,
samantala ang mga katabi ko ay nag-uusap, kwentuhan, intrigahan, at kaguluhan walang katapusan hanggang uwian..
Ako'y nag-iisa.

Nang ako'y nawalan, nasaktan o kahit simpleng kahinaan,
mahirap humagilap ng tulong galing sa taong malapit sa 'yo. Dahil kanya kanya na ang kinagigiliwan.
Ako'y nag-iisa.

Kuwarto'y tahimik, kay sarap ipikit ang mata at maging malaya..
Walang gulo, problema at kahit delubyo, dahil ako'y tahimik, at nagpakalma.
Ako'y nag-iisa.

Nais ko man di mag-isa sa buhay, mailap na mahanap ang pag-ibig,
bagama't ako'y di nawawalan ng pag-asa, ngunit pansamantala, kailangan maging masaya nang walang kasama..
Ako'y nag-iisa.

Kung dumating ang panahon kahit ako'y may pamilya na, at naging matagumpay sa buhay,
Lahat ng ito, kung di ngayon o bukas, pwede maglaho, sa pagharap sa maykapal, nawa'y ako mas maligaya na nagawa ko lahat ng tama sa tulong niya kahit..
Ako'y nag-iisa.